Öfgakennd flokksblaðamennska -uppsögn blaðsins

Morgunblaðið sýnir Besta flokknum hroka og dónaskap með yfirlýsingunni "Undirbúa valdatöku" á forsíðu blaðsins í dag.

Með yfirlýsingu Morgunblaðsins er blaðið að gefa í skyn fjandsamlega valdatöku Besta flokksins. 

Ritstjórn Morgunblaðsins hefur sýnt harða flokkslínu og haldið uppi áróðri fyrir Sjálfstæðisflokkinn í aðdraganda sveitarstjórnarkosninga.

Ég sætti mig ekki við þessa hörðu og öfgafullu hagsmunaflokkslínu ritstjórnar Morgunblaðsins og segi upp áskrift blaðsins frá og með deginum í dag.

Ég votta almennum starfsmönnum blaðsins samúð mína með vinnubrögð ritstjórnar. Almenn blaðamennska Morgunblaðsins hefur undantekningalítið verið fagleg og staðið uppúr í samanburði við aðra fjölmiðla landsins. 

 

 

 

Undirbúa valdatöku

Athugasemdir

[Unnar (IP-tala skráð) 31.5.2010 kl. 12:09]

Til hamingju með þessa upplýstu ákvörðun.  Með sama áframhald verður mogginn að næsta DV (með pilsnerlestur).  Það er skítt, en miðað við ritstjórnarstefnuna er útkoman óhjákvæmileg.

[TómasHa, 31.5.2010 kl. 12:32]

Í alvöru. Þetta kemur á óvart!!!

Þú hlýtur að hafa verið í sjokki þegar þú komst að þessu.

Mogginn undir ritstjórn Davíðs Oddssonar, fyrrverandi formans Sjálfstæðisflokksins, að skrifa vel um Sjálfstæðisflokkinn.

Ég trúi þessu ekki.

[Andrés Adolfsson (IP-tala skráð) 31.5.2010 kl. 21:20]

Verra hefði það verið ef Morgunblaðið hefðu hælt Bestu flokknum. Það hefði getað ráðið niðurlögum hans.

[Rósa (IP-tala skráð) 1.6.2010 kl. 08:52]

Mér fannst geggjuð hugmynd sem ég heyrði fyrir kosningar: Ef Davíð Oddsson eða Mogginn hefðu talað vel um Besta og jafnvel mælt með honum við lesendur sína þá hefði Besti ekki fengið svona mikið. Ég beið í ofvæni og var glöð þegar enginn svoleiðis stuðningur við Besta barst úr Hádegismóum.

Er Davíð hættur að fatta smjörklípurnar?