Fylgst með fæðingarhríðunum

Eg er einn af þeim sem hef fylgst með jarðskjálftaóróanum og beðið eftir þessu gosi. Á síðu veðurstofunnar    http://www.vedur.is/skjalftar-og-eldgos/jardskjalftar/myrdalsjokull/#view=map 

er mjög gott að fylgjast með hverri hreyfingu jarðskorpunar og hefur verið spennandi að sjá þróunina síðustu vikur.

Á sömu síðu er hægt að kalla upp skjálftalista og sjáhvern einstakan skjálfta, styrk, staðsetningu og dýptina. Það vakti athygli mína að í gærmorgun og gærdag þá voru skjálftarnir farnir að eiga upptök sín á minna dýpi og nokkrir skjálftana komnir upp á 1,1  km dýpi og þar fyrir ofan sem sýndi að mögulega var kvikan að færa sig upp að yfrborðinu.

Þá skoðaði ég gjarnan síðuna http://hraun.vedur.is/ja/oroi/index.html  og þann 17 mars var greinilega eitthvað að gerast en erfitt var að átta síg á þessum síðum.

 En nú er gosið farið af stað en veðrið þannig að lítið er hægt að sjá hvorki úr lofti né legi.

Mögulega verður þetta gos lengi, mánuði eða ár og þá verður hægt að skoða það með berum augum. 

Það væri fróðlegt að fljúga yfir gosstöðvarnar og vonandi gefst tækifæri til þess.

 

 

 

Mældu færslu kvikunnar

Sameiningarmál, vilji íbúa og forsendur

Niðurstaða skoðanakönnunar á Álftanesi um sameiningakosti kemur ekki á óvart.
Vissulega eru íbúar að greiða atkvæði með fótunum og ber niðurstaðan greinilega þess merki.
Engin umræða eða skoðanaskipti hafa farið fram meðal Álftensinga um sameiningamál og nær engar upplýsingar liggja fyrir um kosti og galla sameiningar.

Því miður var illa að þessari könnun staðið svo mjög að spurningar sem bornar voru upp fengu ekki lögbundna afgreiðslu sveitarstjórnar og hafa stjórnsýslulega séð því lítið gildi. Þessi vinnubrögð rýra niðurstöðuna.

Samt sem áður staðfestir könnunin þann vilja íbúana að leysa óásættanlega stöðu sveitarfélagsins með sameiningu.

Í bæjarráði liggur óafgreidd tillaga úr bæjarstjórn frá því í desember um að kanna sameiningarmöguleika við nágrannasveitarfélögin.
Garðabær hefur þegar hafnað viðræðum að óbreyttri stöðu en skuldir og samsetning Álftaness passar ekki við Garðabæ og veruleg andstaða er innan bæjarstjórnar Garðabæjar með sameiningu við Álftanes.

Engar formlegar eða óformlegar viðræður hafa farið fram við önnur sveitarfélög.

Hafnarfjörður kemur vissulega til greina enda er nú þegar mikið samstarf milli þessara sveitarfélaga og vilji til viðræðu hjá báðum aðilum.
Margir íbúar völdu hinsvegar ekki Hafnarfjörð þar sem talið er að fjárhagsstaða Hafnarfjarðar sé lítið betri en Álftaness.

Þá kemur fram áhugi fyrir Reykjavík sem líklega er vegna stærðarinnar þar sem margir telja að borgin hafi burði til að bjóða þá þjónustu sem fyrir er á Álftanesi.
Leynd er yfir þeirri staðreynd að skuldir Reykjavíkur eru mjög miklar og þrátt fyrir miklar eignir þá er fjárhagsleg staða Reykjavíkur erfið enda skuldir pr. íbúa þær langhæstu eða meir en tvöfalt hærri en annara sveitarfélaga á höfuðborgarsvæðinu.
Þá er ljóst að ýmsir fulltrúar borgarinnar horfa á Bessastaðanes sem land tækifæranna gagnvart uppbyggingu eða mögulegum flugvelli.

Kópavogur og Seltjarnarnes eru varla raunhæfir kostir.

Þrátt fyrir aðkomu fjárhaldsstjórnar hafa forsendur eða rekstur sveitarfélagsins ekkert breyst.
Að óbreyttu fer sveitarfélagið aftur í þrot innan skams.
Enn hafa ekki nauðsynlegir fjármunir komið til að reka sveitarfélagið eða fram hafa verið aðrar tillögur að lausn en hinn óraunhæfi niðurskurður.  Þá mun útsvarsálagið að óbreyttu knýja íbúana til að flýja Álftanes í nóvember næstkomandi og losna þeir þar með undan aukaálaginu.

Með riftun og eða breytingu á samningum um uppbyggingu á miðsvæðinu og sjálfsagðri leiðréttingu á jöfnunarsjóði og sölu eigna til að fjármagna kaup á íþróttamannvirkjum þá er möguleiki að reka sveitarfélagið enn um sinn áfram í þröngri stöðu.
Hinsvegar finst lítill sem enginn vilji til að fara í þessar aðgerðir og verður sveitarfélagið líklega knúið til sameiningar.
Hugmyndir að niðurfellingu skulda telja margir algjörlega óraunhæfa því niðurfellingin kostar sveitarfélög og opinber fyrirtæki landsins hækkað vaxtaálag sem nemur margfalt mögulegri niðurfellingu ár hvert. 1% vaxtaálag á lán sveitarfélaga og opinberra fyrirtækj kostar 5-7 milljarða á ári.

Af því gefnu að afstaða Garðabæjar breytist ekki mun valið um sameiningu standa á milli Reykjavíkur og Hafnarfjarðar.

Hér eru skuldir A og B hluta nokkurra sveitarfélaga miðað við fjárhagsáætlanir fyrir árið 2010

       Skuldir í milljörðum      Íbúafjöldi         Skuldir pr. íbúa í milljónum
Reykjavík         310,5          118.427                          2,6

Hafnarfjörður     38,2           25.872                           1,5

Kópavogur         38,1          30.314                            1,3

Álftanes              3,1            2.524                            1,2

Garðabær           4,7          10.587                            0,4

Í þessari töflu er ekki tekið tillit til skuldbindinga né eigna sveitarfélaganna.

Kristján Sveinbjörnsson
Bæjarfulltrúi  

Flestir Álftnesinga vilja sameinast Garðabæ

Vænlegasti kostur fyrir íbúa

Fjárhagur sveitarsjóðs Álftanes hefur verið erfiður um langt árabil. Mikil uppbygging og ungt samfélag auk efnahagshrunsins gerði erfiða stöðu vonlausa.

Nú liggur fyrir að fjárhaldsstjórn verði sett yfir bæinn. Fyrir starfsmenn og íbúa er sú ráðstöfun ráðherra væntanlega vænlegasti kostur í þeirri þröngu stöðu sem samfélagið er í.

Fyrir liggja tillögur frá meirihluta bæjarstjórnar um verulegann niðurskurð á þjónustu við börn og barnafjölskyldur.  Það er ósk mín að fallið verði frá hugmyndum um þennann niðurskurð en þess í stað verði farið í sameiningviðræður við önnur sveitarfélög svo íbúar fái áfram þá grundvallarþjónustu sem  sveitarfélög veita. Með því muni einnig flestir almennir starfsmenn halda störfum sínum og kjörum.
Þá er það von mín að allir fulltrúar bæjarstjórnar geti unnið saman með hinni nýju fjárhaldsstjórn við að tryggja Álftnesingum áfram gott samfélag.

Kristján Sveinbjörnsson
bæjarfulltrúi á Álftanesi

Álftanesi verði skipuð fjárhaldsstjórn

Yfirlýsing orðum aukin

Yfirlýsing í fréttatilkynningu sem Sigurður Magnússon samdi og sendi þar sem hann skorar á sjálfan sig að leiða Á-listann, er orðum aukin. 

Kristján Sveinbjörnsson

Bæjarfulltrúi Á-lista.

Skora á Sigurð á leiða Á-lista áfram

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.